跳到主要內容 :::

首頁/全文瀏覽

題名:漁的三部曲—倚海食海
原系統編號:herd2021-bk-herd0024
目次可連結之章節內文影像包含紅體字章節在內


  • [封面/封底]
  • 新北市金山區的磺港漁港就佇磺港溪尾的出海口,遮有真媠的「燭臺雙嶼」景緻。伊靠山倚海,蹛遮的人全全是靠海咧討趁,自按呢發展出「漁的三部曲-討海、加工、販賣」。 P.1~2
  • 金山早期平埔族的金包里(Tappare)佇磺港就掠真有魚,𪜶攏路途迢迢擔魚貨盤山過嶺(擎天崗),到八芝蘭(士林)、大浪泵(大龍峒)抑是大稻埕去賣。 P.3~4
  • (唱:今日是快樂的出帆期,無限的海湧啊……)金山掠魚季大約是佇5月到9月,討海人佇暗暝出海掠魚,駛用傳統的電塗點磺火火把的「磅火仔」船,通常一台船會載七、八的船員仔,上重要的「火長」愛徛佇船頭,負責揣魚群。 P.5~6
  • 𪜶用真光的磺火佮磅聲,吸引佇海面洇來洇去,活骨的魚種,像一寡魩仔魚、鱙仔魚、苦蚵仔、圓目仔佮上大宗的青鱗仔。趁大批魚群雄雄掠狂跳出海面的時,遐个船員仔就開始架竹篙漁網仔,用人工空手掠魚。這就是全臺灣嘛是全世界干焦遮才有的「磺仔火掠魚」。 P.7~8
  • 對揣著魚群到磅火起網,規套磅火仔流程大概是短短的10分鐘彼跤斗仔,毋過煞是愛靠討海人對漁場、海流、氣候的經驗判斷,閣愛有一點仔運氣,才有通仔滿載而歸。這種討海的行業,是直接利用天然的魚產抑是共天然的漁產再利用的生產職業,算是第一級產業。 P.9~10
  • 若閣共第一級產業的漁產加工、製造,比如共魚仔做做罐頭抑是袋仔裝產品的加工製造業,是第二級產業。 P.11~12
  • 閣來透過商店、物流販賣第二級產業產品的服務業,閣像轉型𤆬團體驗磅火仔行列的當地導遊,借這个機會解說教育按怎保育生態環境的解說員等等的職業,攏算是第三級產業。遮个職業的產業譜出「漁的三部曲」。 P.13~14
  • 磅火仔掠漁法流傳百年至今,這項職業技術已經快要失傳去,佇磺港上少歲的火長嘛已經六十外。這馬全臺灣干焦賰四台磅火仔船,猶閣用這款有祖先智慧,空手討海捙拚的傳統掠漁法。 P.15~16
  • 這馬,這種和人無仝的掠魚方式,文化局已經共列做新北市文化資產。向望未來會當活化磺火漁船產業,生湠咧欲化去的磅火仔掠魚行業技術,閣再行對多目標多功能的方向去發展。 P.17~18