跳到主要內容 :::

首頁/全文瀏覽

題名：功名歸掌中
原系統編號：herd2021-bk-herd0023
目次可連結之章節內文影像包含紅體字章節在內


  • [封面／封底]
  • 世間頭路是萬百款，人講「三百六十五行，行行出狀元」。「一口演藝千古事，十指操弄千萬兵」新北市出一个功名歸掌中的布袋戲𠢕人－－－李天祿大師，伊是出世欲來搬布袋戲的。　P.1~2
  • 人講「爸母無捨施，予囝去做戲」這就是李天祿的宿命。伊十四歲的時，𪜶老爸就共戲班提定金，送伊入學布袋戲，伊這條輝煌燦爛的戲夢人生路就對遮開始。　P.3~4
  • 彼陣伊綴的戲班攏佇文山、石碇仔佮深坑仔這角勢走跳，伊逐工的生活就是綴𪜶盤山過嶺去搬戲。拄開始的時，李天祿干焦會曉搬演「羅定良」佮「魁星刣猴」這兩齣傳統戲。　P.5~6
  • 尾仔經過伊認真學習，閣戲班進新尪仔，伊就學會曉搬其他的新戲齣，因為伊真𠢕弄閣真𠢕講，真緊就有足濟戲迷開始綴伊盤山過嶺逐去看戲，李天祿主演的布袋戲對遮開始拍出好名氣。　P.7~8
  • 伊傍佇山裡的磨練佮人氣，離開山區踏入台北城演出，伊的名聲就像日頭浮上天炤出豔麗光彩，佇這个時陣熟似當時就真出名的布袋戲大師黃海岱佮鍾任祥，𪜶三个人結拜做換帖兄弟。　P.9~10
  • 結婚了無偌久，組「亦宛然」布袋戲班開始拍天下。拄開始戲無夠做，伊閣接一寡散籠仔戲四界去搬，走遍基隆、南港、蘆洲佮三峽一帶，過彼款「戲棚一暝拆，四界去討食」的生活。　P.11~12
  • 二十四歲彼年，人講青牛仔毋驚銃，有一擺伊和當時佇臺北戲界上有份量的「宛若真」佮「小西園」三棚絞拚戲，伊以活動佈景搶頭名，自按呢徛穩一流布袋戲班的擂台開始浮頭。李大師晚年定居佇新北市三芝區。伊頂港有名聲，下港蓋出名的一生是按怎拍拚佮風光，結果如何請看續集。　P.13~14